!!تصفيه!!للشاعر محمد الشهري..

كأس عالم.. تصفيه.. جمهـور واعـلام وكُـرَه
والـبـشــر لألـمـانـيـا مـتـوجّـهــه نـظـراتـهــا
بينـمـا واحـنـا نشـجّـع منتخبـنـا .. وننـصـره
نمتـدح مـن مـرّر الكـوره.. ومـن هـو شاتهـا
صـار فـي "شطـآن غـزّه" تصفـيـه متـكـرره
تصفيـه تفْـرق.. مـع ان المفـرده هـي ذاتـهـا
تصفيه تخلو من اصوات البشـر.. والجمهـره
كـان ضـرب المدفعيّـه والرصـاص اصواتـهـا
تصفيـه والمنتخـب "رجّـال واطفـال ومَــرَه"
عائـلـه فــي نـزهــةٍ للـبـحـر مـــن نزهـاتـهـا
مــادروا للـمـوت مـوعـد والحـيـاة ْمـقــدّره
والعـرب لاهيـن فـي الـكـوره وفــي جولاتـهـا
قصْـف بعثرهـم علـى رمـل الشواطـي بعـثـره
مـاتـجـدْ غـيــر الـجـثـث متـرامـيـه بشْتـاتـهـا
وطفلـةٍ عاشـت ولكـن فــي خـضـمّ المـجـزره
راح ابوهـا.. وامهـا.. واخوانهـا.. واخواتـهـا
أقسـم انّ الصدمـه اكبـر مـن حـدود السيطـره
واقسـم انّ النفـس ماتستوعـب الـلـي جاتـهـا
حاله ْمن الذعـر.. والهستيريـا.. والمرمـره
بيـن اهلْهـا والصحيـح اقـول: بـيـن امواتـهـا
كـان أكثـر مايغـصّ الـريـق وســط الحنـجـره
عنـد ابوهـا طايحـه وتصـيـح مــن حسراتـهـا
"لا تخلينـي يـا يـابـه .. لا تــروح المقـبـره"
صيحـةٍ هـزّت جميـع الـكـون.. بـيـن شْفاتـهـا
مسخـره.. واللـي خلقنـي مـا بعـدْهـا مسـخـره
وامّـــة المـلـيـار مـسـلـم غـارقــه بسْـبـاتـهـا
يـقـلـع الله عـجـزنـا .. والـعـالـم المستـهـتـره
ويـن مـن يمسـح بمنـديـل الـدمـا.. دمعاتـهـا؟
ليـت فينـا مثـل قلـب "المعتـصـم أو عنـتـره"
كـــان مانـحـسـب لإسـرائـيـل مـــع قـوّاتـهــا
ولـو توكّلنـا علـى الله فــي زمــان السمـسـره
كـانـت امّتـنـا - وربّـــي- عـوّضــت مافـاتـهـا
بــس اذكّــر قــد تـفـيـد المؤمـنـيـن الـتـذكـره
بعدمـا دوّت "هُـدى" فـي مسمعـي صرخاتهـا
لـي مـتـى واحـنـا نـواجـه ذنبـهـم بالمغـفـره؟
لـي متـى؟ والصمـت ألـغـى أمّـتـي.. واماتـهـا
لـي متـى والقتـل فينـا "نشجبـه - نستنكـره"
لي متى والقدس ذكـرى وانطـوت صفحاتهـا؟
يـا هُـدى والعفـو ماهـو شـرط عنـد المـقـدره
صرنـا نعفـو غصْـب والعـربـان ذي عاداتـهـا
ليـت بثّـت "تصفيـة أهلـك" قـنـاه ْمشـفّـره
كان قلنـا: مـا درينـا عـن "هُـدى" ومأساتهـا
بـس مـامـن عــذْر والاّ احـنـا نــدوّر مـعـذره
لا تـذكّـرنـا الـحـيـاه بطيـشـهـا.. وشهـواتـهـا
صرخـتـك جـتـنـا.. نـعــم .. لكـنّـهـا مـتـأخّـره
والبطـولـه إبـتـدت والحـيـن جـــات اوقـاتـهـا
بينمـا واللـعـب حـامـي.. والـعـرب مستنـفـره
وفـي نجـوم المونديـال .. ْمركّـزَه شاشاتهـا
تنطلـق "كـوره" عليـنـا مــن الـعـدوّ مـدبّـره
وعيلتك تنشات "جوول" بهجمه من هجماتها
فإمنحيـنـا فـرصـه نـشـوف البطـولـه والـكُـرَه
بعدها يمكن بنسـأل "عيلتـك مـن شاتهـا"؟؟؟